الكويت.....

[العنزي]

السلام عليكم .. تعجز الكلمات عن الشكر للقائمين على هذا المنتدى . للشاعر العلم
الشاعر الانسان الشاعر الامير خالد الفيصل .. ومهما . قلنا في هذا الشخص فنا نظلمه
والحكي يطووووول عن شخصه ..ماقول غير الله يطول عمره ويحفضه



اما بالنسبه لطلبي . فانا ابحث عن قصيدته في الكويت

اللي يقول مطلعها

من رياض المجد لمجاد الكويت

ذا اللي اذكره ؟. وياليت تساعدوني في ايجادها


ولكم شكري وتحياتي

[عزوف]

ابشر بعزك وانا اختك


من رياض المجد لامجاد الكويت=من ثبات العلم للعلم الثبـــات
جيت أصافح بالتّهاني كل بيـــت=للشّهيد الخلد والحي الحيــــاه
فوق غيمة شوق من أبها مشيت=من نداها فزّت الصّحرا نـــبات
سيّرتني نشوة الحب وسريـــــت=للكويت الّلي هويت أكتب غناة
في غناتي للشّرف صوت وصيت=ومن غناتي يرفع الفارس حداة
وللكرامة عرضة في كل بيـــــت=والسجايا بالشهامه نايـــــــــــــفات
ياالكويت الّلي على الباغي عصيت=يوم بعض الرّبع ينسى المكرمات
يوم بان الغدر قلنا له خسيت=كل شيطان رجمناه بحصــــــــــــــاه
دارت الدنيا عليهم واعتليت =وانهزم جيش النّفوس الخاينــــات
يالفهد عند الوعد قلت ووفيت=طاغيات الرّوس عادت صاغــــرات
مااختلفت ولاذخرت ولاشكيت=شامخ مثل الجبال الراســــــيات
دلّك الله يالسنافي واهتديت=والنّصر من عند رب الكاينـــــــــــات
مايغط الحق رجال بخيــــت=مانسينا يالكويت السابقــــــــات
يوم عز بدارنا حلو المبيــــت=إستضفتونا زمان النّايبــــــــات
لين ابو تركي ظهر من فوق هيت=واصطفق من نجد لجبال السّراه
يرفع القرآن والسيف الصليـــــــت=واسترد الحكم من عقب الفوات
ياالصّباح وياالسعودي لى انتخيت=عزوتك عنّاز راعي الطّايلات
ويالامير الّلي على العليا نشيت=جابر العثرات محمود الصفــات
في بلادك كل تكريم لقيت=والنشامى ماكتفوا بالواجبـــــات
بالكويت أعطاني الشعر وعطيت=وبالكويت الشعر له طعم وحلاة


تحيات عزوف

[العنزي]

ونعم والله فيتس ياخت عزوف

عزه الله ماقصرتي ..كفيتي ووفيتي


وانشالله نردها بالافراح :)

ولك جززززززيل الشكر


من اخوتس العنزي

[bader-alanze]

:) اخواني خواتي ابيه مسموعه

[بقايا ليل]

الله يعطيك العافيه يا عزوف
وصح السان الشاعر الامير خالد الفيصل من ابها للكويت
قصيده اول مره اقراها ما قصرتي يا عزوف

ويالامير الّلي على العليا نشيت ......... جابر العثرات محمود الصفــات

وعسا الله يحفظ صاحب السمو الامير جابر الصباح جابر الكويت

مع الف سلامه.

[ابو نوره]

الله يعطيك العافيه ومشكوووووووووووور اخوي على القصيده

[دايم سعودي]

الله مير يعطيكم العافيه والله القصيده هذي لي أزمان أدورها

[عزوتي عناز]

تسمووون ياخواني
والحقيقه اني افتخر كثيرا بمقطع عزوتي عناز